Yadllie Plate 야들리애플래이트 (兆萬中心)

Yadllie Plate系我同朋友食饭嘅首选餐厅之一。今次又去到Yadllie Plate食午餐啦，原来佢lunchtime有discount！惊喜二重奏 $258今次唔想食咁多鸡，但朋友又想试吓，所以我哋就叫做惊喜二重奏，里面有四件炸鸡同埋牛扒。炸鸡系原味，牛扒送上嚟嘅时候大概半熟，我哋可以根据返自己嘅喜好煎下块牛扒，自己决定熟度，唔错！八爪鱼煎饼 $128我系韩式煎饼爱好者，所以每次都会叫煎饼食！八爪鱼煎饼外面脆卜卜，里面软熟，而且啖啖都食到章鱼粒，口感丰富。紫菜手抓饭 $88朋友话想食紫菜手抓饭，我都未食过，所以就谂住叫一个试试，估唔到劲好味！呢个紫菜手抓饭可以自己捞匀啲食材，再搓做一粒波，食得又玩得。佢嘅味道都好啱我哋胃口，又淡淡嘅麻油香同埋紫菜香，食到唔停口。卡邦尼年糕 $108卡邦尼年糕都系我必叫！佢哋嘅年糕酱汁同味道超浓郁，牛奶味劲香！里面仲有一啲鱼糕、狮子狗等等。暮色百香 $128呢个系一jar百香果加橙嘅饮品，两个人饮啱啱好，非常消暑解渴。