HeySoNuts

营业中

休息中

即兴来到土瓜湾区内的人气餐厅HeySoNuts，一打开menu就被tiramisu吸引，即刻order咗，好期待～主菜叫咗热门推荐的忌廉野菌汁猫耳朵意粉。难怪呢道菜成为餐厅热门菜式，左右望一望，见到不少枱客都有柯打呢道菜。猫耳朵意粉其实都系意粉的质地，只系外形整成一片片，好似猫耳朵咁。上枱时见到猫耳朵意粉都几厚身，本来都有少少担心会唔够挂汁，食落味道会略淡，但酱汁味浓，加上味道明显的黑松露，味道都几balance，挂汁力几强劲！另一款慢煮红酒牛面颊亦相当出色，牛面颊煮得软腍，但筋位依然有微微韧度，唔会煮到「梅」晒。香浓的红酒酱汁会另上，入面仲有洋葱、红萝卜等配料，味道带点微酸，好醒胃，用来配衬牛面颊可解腻，配埋放喺牛面颊下面的薯蓉更是绝配，正！甜品终于出场！！提拉米苏梳乎厘班戟震腾腾地上枱了。一道甜品有两件梳乎厘班戟，加埋几块朱古力小饼干，以及一小杯咖啡。侍应话可以直接将咖啡淋落梳乎厘班戟上面，咖啡的微苦、清新令甜甜的梳乎厘班戟解腻，蛋味香，又唔太甜，好啱女生，大推！微苦的GIN TONIC，令郁闷的心情都放开了一点。