牛涮鍋 (已結業)

Encore左无数次牛涮锅外卖自取，今次终于记得影齐相，第一次喺Openrice同大家分享。由20年4月 4人餐 $638 半价 $319，之后加价变成6折$382.8，都一直支持；至11月尾再加至7折$446.6，就觉得无咁抵，暂时唔帮衬了。可能反应冷淡，12月餐单加左自蚬及换了丸丸种类，重回6折，现时$658折后 $394.8。美国和牛大大片600g，雪花靓仔，牛味浓，建议渌两渌就食，渌耐左会韧及鞋口。牛胸腹300g，薄薄片，但油花更香，不过有时会较肥，渌一渌好快熟。豚梅肉150g，绝对不比牛差，豚肉鲜甜，试过单买煮面也很抵。虎虾、带子、白蚬，当然唔够自己喺街市买咁新鲜，不过套餐有埋，配搭一齐食都唔错唔错。丸丸蔬菜盛盒有2大盘，每样人人有一件，满足样样试试既心态。最后仲有4个拉面，通常即晚都食唔晒，留返第二日连甜酱油汤再煮当午餐食。套餐已配有汤胆(推荐甜酱油，配牛肉就好似寿喜锅咁)，也有酱油及麻酱，自己不用准备。