韓奶奶拌飯

营业中

休息中

今次已经系第二次嚟韩奶奶拌饭食嘢了，就系要 encore 佢嘅牛颈脊拌饭。今次第二次嚟食，原本有谂过拣其他嘢食，但系最后都系抵受唔住牛颈脊拌饭嘅诱惑。啲牛肉好够腍，而且真系好香好有牛味，配埋牛油同埋拌饭酱捞埋一齐真系好好好好食～我哋仲叫咗芝士辣鸡拌饭，都几好食，辣味适中，再加上溶化嘅芝士，系不错不错的配菜方面都有惊喜，包括泡菜同蟹仔。泡菜酸辣开胃，而蟹仔甜甜辣辣嘅味道好得意，食完之后会想再食多几粒😂我哋仲叫咗个小食，炸薯饼配雪花芝士乳酪酱。炸薯饼外脆内软，配上雪花芝士乳酪酱，味道非常搭配，好好食。唯一系份量有啲少，$30一块好似有少少贵，但整体体验仍然系相当不错。