百味村

营业中

休息中

今日去红磡体育馆睇show ,紧系食饱饱先去睇，但有show 日子，附近商场食店一定多人都爆，我宁愿行远少少，再去Kerry hotel food court 食。贪佢坐得舒服，价钱又低，酒店享受。黎呢到食最方便都系用apps order ,食物又唔洗自己拎，个apps 最好就系话埋你知有咩卖哂。泰式炒金边粉炒得干湿度适中，虾又多，够弹牙。微微嘅辣，因为加左少少马拉盏，整体上都拍得住传统泰式餐厅。蒸肉鲜虾大饺子一只都有我手掌咁大 （唔计手指喇当然🤣🤣），我未食过咁大只饺，除左灌汤饺之外。咬入去啖啖原只虾肉同猪肉，好饱肚架！原味无骨炸鸡份量够多，好抵食，出面食都$50得两，三旧喇。炸粉又唔多，鸡肉多，非常脆口，送啤酒一流。