醉胡爐 (已搬遷) 新店位置

今日同朋友打边炉，又再黎呢间火锅店！平时食开花胶鸡汤 今次试吓椰青鸡锅！呢个椰青鸡锅好足料 店员拎个煲黎嘅时候鸡都仲系生嘅，跟住会喺你面前炒一炒鸡 再加酒点火，增添香味！之后就会倒成个椰青既水落去 再加鸡汤！一滚起 就先饮汤 呢个汤底真系好鲜甜💯牛肉系打边炉必备，人多可以叫12道牛盛兜 好多款牛肉 又新鲜。另外手打五宝丸同饺子都系我火锅必备，醉胡炉既饺子手工包制 涨卜卜，款款都好好食👍🏻打边炉热气，叫左个冷盘 和风番茄🍅，酸酸地 冰冰凉凉，好爽。餐厅环境唔错 价钱合理，早d book枱可以book房仔 同朋友食饭倾偈 真系唔错👍🏻