影片
更多
2018-04-01
438 浏览
今晚同对面阿同事OT 完齐齐离开公司，好鬼死肚饿，又甘啱我哋两个今晚都冇饭开，所以就结伴去医肚。由朝到黑唔停手，消耗左好多脑力，只有食返餐劲先可以补番下。突然间比我谂到呢间牛肉锅，之前试过同佢一齐来食lunch，试过D牛好得。可惜lunch 时间唔够，我哋又唔系叫任食,所以就住就住不能尽兴 ，今晚一于翻焯先。由于上次食过有信心，今次我哋谂住食好D叫咗美国顶级牛小排$288 任食，大战牛魔王。汤底我哋叫咗猪骨汤同埋蕃茄汤，两款汤底都偏淡，但系加入啲自选杂菜配料落去煲煲佢就好味啦！反而最怕啲汤底越煲越咸就真系难搅了。 等食期间，去扫一转个场先。餐厅不是很大，约十几二十张四人枱左右。所以佢的任食区域位置都不是太大。小小空间放满饮品、雪糕同火锅配料。火锅配料有成二十几种，都可以算应有尽有，refill 都算快手架 。配料中最钟意佢个诚意黑椒丸同埋芝士丸，好味！首先佢会上两碟牛肉，美国顶级牛小排果然系靓，油脂闪闪而且分布平均，睇个样就知掂啦。焯一焯转颜色就食得，切得唔算薄，有咬口有牛味又唔韧，坚好味。我都唔记得自己到底食左七碟定八碟，后来的肉水准都 keep 到，任食真系很爽。除左靓牛，佢仲会包
由朝到黑唔停手，消耗左好多脑力，只有食返餐劲先可以补番下。突然间比我谂到呢间牛肉锅，之前试过同佢一齐来食lunch，试过D牛好得。可惜lunch 时间唔够，我哋又唔系叫任食,所以就住就住不能尽兴 ，今晚一于翻焯先。
由于上次食过有信心，今次我哋谂住食好D叫咗美国顶级牛小排$288 任食，大战牛魔王。
汤底我哋叫咗猪骨汤同埋蕃茄汤，两款汤底都偏淡，但系加入啲自选杂菜配料落去煲煲佢就好味啦！反而最怕啲汤底越煲越咸就真系难搅了。
等食期间，去扫一转个场先。餐厅不是很大，约十几二十张四人枱左右。所以佢的任食区域位置都不是太大。小小空间放满饮品、雪糕同火锅配料。
火锅配料有成二十几种，都可以算应有尽有，refill 都算快手架 。配料中最钟意佢个诚意黑椒丸同埋芝士丸，好味！
首先佢会上两碟牛肉，美国顶级牛小排果然系靓，油脂闪闪而且分布平均，睇个样就知掂啦。
美国顶级牛小排
32 浏览
0 赞好
0 留言
焯一焯转颜色就食得，切得唔算薄，有咬口有牛味又唔韧，坚好味。我都唔记得自己到底食左七碟定八碟，后来的肉水准都 keep 到，任食真系很爽。
美国顶级牛小排
24 浏览
0 赞好
0 留言
除左靓牛，佢仲会包任食猪肉同鸡肉。
佢D猪肉质素唔错架，够嫰滑，食得过，我偷听到隔离枱对佢赞不绝口。
鸡肉系去皮的，冇咁肥，晶莹剔透啖啖肉，正！
最后当然唔会放过佢既雪糕啦，系 milk top 㖞！平时出边好少有milk top架，我试晒三种味芝麻+ 绿茶 + 牛奶，仲食咗两转，爽呀！
Milktop
12 浏览
0 赞好
0 留言
虽然呢间舖仔细细，但我都几欣赏佢D坐位够阔落，枱又够大放食物。
呢方面好过有D一人一锅为左做多几枱而张D枱做到好窄，基本上放食物都只能层层叠，迫到连电话都无得放。仲要临尾果十几分钟不停陪你倒数，非常无瘾。
响呢方面相马都几抵赞，不枉我地食完又食。加上佢任食的高质靓牛，会再 encore 的。
张贴
