Lúa (已結業)

第二次黎食晚饭，朋友约系铜锣湾食晚饭，例牌系我提议嘅，中日韩台泰越，朋友话好耐无食越南嘢，我即时谂起呢间，有人唱歌嘅，把声好听，样子都几靓仔😊 去吾去，女友人即时go go go.餐厅环境吾错嘅，有打卡位，算系几有特色，今次无上次咁好彩，被安排坐系最入，既无得睇靓仔，亦远离个打卡位。食物嘅portion 比较少，for 女士就几好，可以试多几样嘢食，味道中规中矩，吾讲得上好好味，但亦算几好。个甜品比较突出，榴梿肉吾错，因为可能我地两位女士系榴梿爱好者另朋友点左支玫瑰啤酒，佢话好好饮，有2个好字，虽然有点少贵，等我迟d系越南旅行叫支饮下先。虽然坐系远离个台，但我有走出去点唱，佢又真系唱得几好听，广东歌，国语歌都有，全部情歌😍😍果日无满座，所以过左限时都无追我地埋单，几好，我试过系旺角有间餐厅，下午茶时间，由入去到离开，全场得我地一枱4人，入座千叮万嘱90分钟，一够钟就比张单你，呢d餐厅我系永远吾会再帮衬😆呢间我肯定会再帮衬，不过好似吾系晚晚都有人唱歌，可能订位时要问问