南小館 (ELEMENTS圓方) (已結業)

星期日黎圆方, 阿妈话想食上海野, 见呢间个样都几好就试下. 等左大概20分钟. 虽然台同台距离近, 但都算坐得舒服. 入去坐低听到右边隔离台个女人同老公话: “呢间野d 人好无礼貌啰!” 跟住见到张台, 哗~ 落雨黎呀? 湿到连张垫台纸都烂埋!前菜4小碟: 烤麸较硬, 醉鸡唔入味, 马兰头比较好但算普通货色, 黑木耳OK.小笼包: d猪肉苏的!!!!!!!!!!!上海粗抄: 味道冇乜野, 油都预左, 但估唔到个面差成咁, 面身好粉, 结果食晒d菜同冬菇算.食到一半突然听到隔离澎澎声, 见到个waiter向隔离摆餐具, 专登(系专登)超大力响台栋齐d筷子. 左边台的人都望晒过去睇下发生乜事, 个waiter继续掟. 成杯斟左的茶大力放响台, 我几惊佢整爆只杯!个癫的waiter走开左我叫个带位的靓姐姐过黎, 我问佢佢同事系咪痴左线, 解释返头先佢同事做乜黎. 点知我都未讲完右边隔离台个女人已经要爆, 加埋把口话做服务唔可以咁. 靓姐话可能因为佢之前比出面个阿伯激亲, 咁当然系要我讲一次 “咁关我乜野事呢?” 靓姐姐走左后见到个癫的waiter系咁笑笑口. 右边隔离台个女人都仲系好庆,