Espuma (H8) (已易手) 新餐厅

espuma推出咗全新菜单，包括多款西班牙、欧洲fusion菜式，餐厅空间阔落，非常适合适合朋友gathering！辣味蟹肉挞 ＄88馅料以蟹肉、花椒材料混合而成，饼底酥脆，香辣惹味，甚具东南亚风味。鸡肉牛油果葱油饼 $98牛油果配上鸡肉食落清新，正好平衡返葱油饼嘅油腻感。西班牙橡果黑毛猪柳西京汁珍珠面 ＄158见到有少见嘅珍珠面就嗌嚟试下。佢嘅形状有啲似饭粒嘅放大版，嚼劲十足，与香口嘅猪柳、略带甜味嘅西京汁实为相衬。酥皮香辣橄榄蒜片意大利面 $138酥皮汤已多年无落肚，竟然进化到有酥皮意粉都系初次听闻。酥皮金黄酥脆，笃开入面系以三色椒、蒜片橄榄油、西班牙辣肉肠所煮成嘅意粉，饱肚又得意，毫无疑问当选是日VIP！炖牛肉宽条面 ＄158呢个我地就觉得麻麻，牛肉ok的但意粉太硬亦无咩汁，食落较干。招牌鲜杂果麻糬窝夫配瑞士朱古力雪糕（半份）＄98窝夫外脆内软，可惜唔太食到麻糬；旁边放满新鲜水果，加上movenpick最好食嘅朱古力雪糕球以及吉士酱，卖相赏心悦目。