君怡酒店咖啡屋 (裝修中)

同事last day，约埋班同事，预先买定团购，去君怡酒店咖啡屋食自助餐同佢Farewell。我习惯食自助餐先要来个热汤暖暖胃，然后专更冷盆和海鲜同冷盘，热汤有两款选择，南瓜忌帘汤和莲藕𫠒鱼汤，好正常嘅例汤feel。刺身同寿司质素好一般，不试也罢。沙律有车厘茄、罗马生菜、白露笋、红椰菜、橄榄和翡翠豆苗；最正系白露笋；冷盘冻肉，款色较少，有风干猪肉和风干牛肉，虽然唔够咸香，加埋哈蜜瓜同红酒，不失为唔错嘅配撘。海鲜方面有面包蟹、冻大虾，青口、长脚蟹和龙虾仔，冻大虾好大只，好新鲜爽口弹牙!!最可惜就系食唔到面包蟹嘅蟹身部份，次次出去都剩番啲面包蟹脚冇人要，似乎冇refill过；饮品有橙汁同柑桔柠檬汁，红、白酒，咖啡茶全部都系任饮。我一向对橘类水果冇好感，恕我无福消受，只好饮红、白酒。热盘有波士顿龙虾、龙利柳、炒杂菜、咖哩羊肉，配白饭和印度薄脆等等．．．．　还有，每位送半只芝士焗龙虾；我对热盘兴趣唔大，值得一赞系咖哩羊肉，咖哩唔系好辣，但胜在够香辛，但印度薄脆可能摆得耐咗，已经唔脆。还有，每位送半只芝士焗龙虾。鐡板烧有炒面、鹅肝．．．．其他嘅我冇留意到。食完鹅肝，攞咗杯热茶消消滞，点知．．．．