Peko Peko Eatery (康怡廣場北座) (已結業)

太古城只有好少嘅西餐厅，特别系咖啡室类型，今次太耐冇嚟太古城发现有一间新开嘅咖啡室，除咗日头饮咖啡之外，原来夜晚都有好丰富嘅西餐菜式。-今次同闺蜜二人，总共叫咗一个主菜、一个特色小菜、以及意粉乙份。首先未用餐之前，已经觉得环境气氛都非常好，拱形门嘅二人卡位坐、装修嘅颜色以木制及柔和嘅光线为主，所以感觉好有fine dine气氛。-慢煮和风酱油八爪鱼($168) - 上枱时八爪鱼并得出，因为配菜都好多，例如有沙律、岘、青口、八爪鱼粒等等。不过品尝完个八爪鱼之后，我觉得八爪鱼真系好软熟及入味，酱油精华都入晒喺八爪鱼入面，食落去好软身好容易入口，有少少似食鲍鱼嘅感觉，值得推介呢味菜！-烤彩虹芝麻脆皮羊架($318) - 羊架落单嘅时候叫咗七成熟，羊架嘅味道唔会太骚，加埋特制嘅酱汁，同埋鲜嫩嘅羊肉质感，每一啖都好似慢煮过嘅一样，又嫩又好食。上面嘅七色彩虹非常有趣，估唔到芝麻都有咁多颜色。-海胆竹炭乌冬 ($198)- 意粉嘅质感好有趣，加上酱汁都好搭配，食落去好滑又入味。加埋新鲜嘅海胆简直系绝配，如果多少少配料就更加好，例如加洋葱粒，令口感嘅层次更加丰富就最好啦。