影片
更多
2018-08-16
222 浏览
fine dining体验记✨ 无论系菜色定系饮品都有专人讲解，自家制面包就不在话下，甚至连一杯水都系要由西班牙入口，感受到餐厅对其细致位好有执著✨其实餐厅有好多创新Cocktail，不过唔饮酒嘅我地就拣咗两杯冇酒精嘅梳打，一杯系用韩国青梅茶，加上佛手柑同青柠，仲超浮夸咁响面头洒上金粉，气派尽现，另一杯系济洲柑橘加苹果汁配粟米茶，饮落好重粟米味好清甜。而今次嚟就试新推出嘅黑松露套餐，每道菜都运用黑松露作配搭。前菜为具fusion色彩嘅带子沙律，火炙带子刺身为基底，炙烧同鲜味兼备，配上鲜甜嘅有机番茄仔同蔬果菜粒，食起嚟几有层次感✨第二道菜系炒蛋，话说黑松露同炒蛋永远都系好朋友，两种香气相辅相成互相升华，另外聪明地再加咗煎脆咗嘅parma ham，令个炒蛋味更香而且脆脆地食落刺激啲冇乜易腻，再食落去出奇地有菠菜同碎菇，即刻觉得有点中菜嘅色彩😛主菜方面有鱼同牛拣，咁我地两个都系食肉兽当然拣牛啦，medium rare好似再熟咗少少，可能挂住影相放耐咗😂 原本应该系重口味嘅肉味，食落却一啲都唔heavy，甘甜幼滑嘅甘笋泥，入味软腍嘅啤酒洋葱丝，加上松露汁同本身个牛味，成件事好适中，唔会话淡味又
其实餐厅有好多创新Cocktail，不过唔饮酒嘅我地就拣咗两杯冇酒精嘅梳打，一杯系用韩国青梅茶，加上佛手柑同青柠，仲超浮夸咁响面头洒上金粉，气派尽现，另一杯系济洲柑橘加苹果汁配粟米茶，饮落好重粟米味好清甜。
而今次嚟就试新推出嘅黑松露套餐，每道菜都运用黑松露作配搭。前菜为具fusion色彩嘅带子沙律，火炙带子刺身为基底，炙烧同鲜味兼备，配上鲜甜嘅有机番茄仔同蔬果菜粒，食起嚟几有层次感✨
第二道菜系炒蛋，话说黑松露同炒蛋永远都系好朋友，两种香气相辅相成互相升华，另外聪明地再加咗煎脆咗嘅parma ham，令个炒蛋味更香而且脆脆地食落刺激啲冇乜易腻，再食落去出奇地有菠菜同碎菇，即刻觉得有点中菜嘅色彩😛
主菜方面有鱼同牛拣，咁我地两个都系食肉兽当然拣牛啦，medium rare好似再熟咗少少，可能挂住影相放耐咗😂 原本应该系重口味嘅肉味，食落却一啲都唔heavy，甘甜幼滑嘅甘笋泥，入味软腍嘅啤酒洋葱丝，加上松露汁同本身个牛味，成件事好适中，唔会话淡味又唔会过浓，好调和✨
另外加咗个海胆意粉，白色忌廉泡泡似乎系韩菜常见把戏，重点系面头果堆鲜甜到爆嘅海胆，将佢同啲汁捞匀后成个面面系鲜味简直系人间极品，唯一系个意粉可以用再阔身少少嘅款式以便挂汁。
最后系甜品，其实我觉得呢度啲甜品先系佢地嘅最大杀著，当中吸引力最高一定系个爆谷山，除咗系打卡神菜卖相满分之外，味道都好有水准，本身啲爆谷都好浓粟米香，加埋个粟米糖浆更想一层楼，再加上上碟时会有专人响你面前刨啲喜马拉雅山岩盐，带轻咸味刺激食欲，而爆谷包住入面嘅系粟米雪糕，不过其实成个甜品都系粟米味所以当时其实唔系太食得出，不过非常香滑✨
另一个白色盒子其实系有啲意外，本身睇menu张图以为佢只系好似月饼咁大，点解成品出到嚟好似用咗神奇放大电筒咁巨型咗三四倍好似砖头咁大😂 而味道非常适合我呢啲酸口味控，除咗入面系酸酸嘅红莓酱之外，连出面纯白色好似天使蛋糕嘅cream其都系sour cream酸上加酸几刺激😛 当然入面仲有士多啤梨粒同红桑子，唔会净蛋糕同酱咁单调嘅，另外仲有几嚿焦糖脆脆俾你连埋一齐食，其焦糖甘味正好抵匀返蛋糕嘅酸味。
最后讲埋松露餐嘅甜品系满满分子料理风嘅tiramisu，由一开盖有阵氮气烟涌出，之后望落同拮落都好似朱古力蛋糕，但一放入口即刻溶成浆，名副其实嘅chocolate wind，而tiramisu入面收埋咗水珠形嘅咖啡浆，将精华番返响口腔入面先爆，最后连个雪糕都系茉莉米味雪葩，实验性极强✨
就算唔系响度食饭净系嚟食个甜品都好推荐，头两款甜品其份量可以够三至四个人食，而且当晚成个环境都好宁静，都几适合食完饭揾个地方坐低食下甜品倾吓计啰😛
张贴
