Amici (已結業)

今日同bb猪撑枱脚，嚟到中环依间意大利菜，装修简单而高贵，昏暗嘅灯光格外有情调。我哋拣咗店员推荐嘅Lobster Set，有齐前菜、汤、主菜同甜品。蓝水晶虾薄片第一次试食来自法国嘅蓝水晶虾，色泽晶莹带淡淡嘅青蓝色，鲜甜爽滑，三文鱼子同鱼子酱则有脆卜卜嘅口感，再加上自制嘅清酒啫喱，非常之有惊喜！鹅肝焦糖布甸除咗布甸上面之外，布甸入面都加入左鹅肝！每一啖都品尝到肥美嘅鹅肝，香味充满晒成个口，久久不散。龙虾浓汤汤会另外装系一个壶入面，保持住佢嘅热度，到饮嘅时候先倒落去。饮头一啖已经知呢个汤系几咁真材实料，因为真系好浓郁。烤龙虾拼海班鱼、美国顶级西冷依个餐每一款主菜都会拼一份龙虾，龙虾肉爽口弹牙，火候恰到好处。海斑鱼皮脆肉嫩，西冷牛扒无筋，食落柔软而牛味香浓。烧焦糖班㦸配蜜糖脆脆雪糕甜品看似简单，其实充满创意。班戟上面嘅焦糖并唔普通，系用炼奶经过10个钟嘅焗制而成！雪糕亦加入左蜜糖脆脆，更加有口感。整体甜度适中，为呢一餐完美作结。