滿福樓

营业中

休息中

🍴 满福楼📍湾仔港湾道1号香港万丽海景酒店3楼🗺️ 港铁湾仔站A5出口📱+852 2802 8888/ 2584 6972💰 ～$1,200 per head喺老板嘅赞助下，再加上同事仔嘅极力推介，就book咗呢间满福楼食饭奖励吓自己。😌五星级酒店下嘅中菜厅果然系唔同啲，入到去嘅感觉好似去咗食fine dining 咁，冠冕堂皇。蜜汁烤西班牙🇪🇸黑豚肉叉烧呢个叉烧肥瘦适中，肉汁充足，又咬口。呢个想食就要book位时预订埋，唔系卖哂就无架啦～焗海螺🐚呢个海螺就似系拎咖喱酱炒完一堆杂菜肉碎，然后放落个海螺入面，跟住拎去焗。食落系几开胃，同埋唔会太咸。原只二十五头花胶扣鹅掌🦢呢个花胶同鹅掌都炆得几腍个芡汁都都几入味。翡翠百合炒班球🐟呢碟菜就无乜特别，都系平时出面街会食到嘅班球。 脆皮炸子鸡🐥炸子鸡就不过不失，啲肉都算嫩滑。 四个人食嗌个例牌已经够晒。鱼汤手打鱼腐浸时菜🐟呢个手打鱼腐就失色咗少少，鱼腐带到好似长洲鱼蛋咁大粒，但系就偏向冇乜弹性。😕原只鲍鱼鸡粒炒饭呢个鲍鱼炒饭系成晚觉得最好食，炒饭粒粒分明，而且有原只鲍鱼仔同埋闻落已经好香。😍杨枝甘露🥭杨枝甘露就比较普通柚子肉比较少主要都系芒果汁。