OH MY GOOSE! (已結業)

去开朗豪坊做facial，时间无多，总要食个快饭。Food Court自然成为我的目的地，今次比我留意到有一间几有特色的店。表面上系卖烧味饭，但就有唔少创新的元素，餐牌亦好够创意，甚有看头。我同朋友仔食咗招牌的黯然销魂饭，冇错，就系叉烧煎蛋饭。看似简单的一个饭，做得好食就殊不简单。叉烧首先要肥瘦均匀，又要够香口。煎蛋一定要系半熟，蛋浆缓缓流出，融入饭粒当中，先至系最美味。另外，我哋亦点左炸鸡髀饭。大大只的鸡髀已被起骨，炸得酥香。而且酱汁同配菜都几够诚意。整体食物都算有诚意，而且味道唔错，最重要系价钱好相宜。快靓正，算系Food Court内唔错的选择。