牛響度拌麵

营业中

休息中

餐厅位于佐敦逸东酒店地下嘅Food Court，主打多款配料嘅汤同拌面，另有饭、小食、饮品供应。店员服务态度友善，上菜速度快，大大碗份量十足，价格亲民，又有多个快餐选择。刀削面每日新鲜香港制造，面条Q弹带点口感。私心推介慢煮嫩滋手撕鸡热拌面，鸡肉嫩滑，拌上青瓜丝、葱花、芫荽、油葱酥同特调葱油酱，味道咸咸地之余食完又唔觉得口干，好味道。汤面要咗溏心蛋粟米，简简单单大人小朋友都啱食。面条可以转米线或者手工面，后者嘅面条类似上海面，幼身滑溜，冇刀削面咁饱肚，牛骨汤底清甜，感觉清淡又健康。饭类都有几多选择，萝卜牛筋腩有惊喜，煮至入味，牛香气突出，酱汁味道浓郁，如果有多啲捞饭就更好。小食方面有韭菜豚肉云吞，外层够薄，馅料唔少、鱼蛋有十粒，一口一粒啱啱好。