古早台居

营业中

休息中

德福广场真系好耐冇嚟过，二期有个food court，入面咩款式都有，今日就嚟试咗一间叫台早古屋嘅台湾餐厅，台湾菜不外乎肉燥，牛肉面等，佢哋呢度嘅所有美食都系台湾嘅特色菜，今日我哋就嗌左两款主食同两杯嘢饮🐔香酥大鸡扒饭 $51: 超大块嘅香酥鸡扒，炸到金黄色，外脆内软，肉质非常嫩，肉汁慢慢渗出，另外配有肉燥，肉燥嘅份量都算多，酱汁非常浓郁，令到整个饭既配料非常丰富，都只系$51👍🏻👍🏻🐷红烧猪软骨面 $51:配菜都几多，有生菜红萝卜，白萝卜，卤水蛋等，汤底非常浓郁，好重牛肉汤底味，到主角猪软骨，佢总共有三大件，其中有啲软骨喺里面，无论系肉或者软骨，都炆到酥软，好入味，性价比亦高😍😍🍓草莓绿茶 $24:野饮方面，若果你叫主食的话可以以半价购买台式饮品，我今次就嗌咗杯草莓绿茶，平时都比较少饮呢个味道嘅饮品，今次就即管叫嚟试吓，我叫咗少甜少冰，出奇地佢个味道几特别，又唔错，甜度方面啱啱好，士多啤梨味同绿茶味，各占一半，饮落都几清新😆🥛黑糖珍珠抹茶鲜奶 $38:另外呢一杯系黑糖珍珠抹茶鲜奶，卖相唔错，分为两层，系饮嘅时候摇一摇就可以，黑糖比例刚好，而抹茶鲜奶味道都香浓，所以整体都唔错，而且都大