Food Fiesta

营业中

休息中

首先，份量真系好足。我无加嘢饮，Food Court餐厅嚟讲，个餐嘅价钱算偏贵。食物卖相吸引眼求，望落似好好味咁。摆盘认真，随心影相唔洗就角度都几靓可以呃like。鸡蛋半熟恰到好处，口感滑溜，唔会一夹就散。里面个饭唔系纯白饭，系用茄汁酱油炒过，仲有一片片蘑菇，系意料之外嘅，感觉唔求其，味道亦唔错。不过主角炸猪扒就略嫌逊色。猪扒应该有锤薄过唔入味，炸粉虽好脆亦都好厚，食到面粉多过食肉嘅感觉。最后，讲下个咖喱汁。日本咖喱口味偏甜，呢个好似仲有啲带酸味，几开胃。味道过得去啦。个餐出得几快，啱晒赶时间做嘢嘅我。