阿玖里 (已結業)

团年饭之夜无咩做，约左朋友出黎食下野，点知好多舖头都无开门，最后竟然去左食food court，哈哈，ok啦，多选择，自己拣自己啱食嘅野。七点几个场已经唔多人，周围都有枱，买完野求其揾个位等食。我自己就拣左食台湾野，朋友叫左日式西餐，两份餐只差4蚊，但我个边多野食啲又送饮品，感觉抵好多。鲁肉饭同餐牌都差几远，肉碎好少啊，但有其他配菜都够下饭嘅，饭系珍珠米，软绵绵好味，但份量少啲唔够饱。凉拌三小碟有台湾肠，蒜香云耳，话梅蕃茄仔，不过不失啦，食完都无乜印象。盐酥鸡扒白雪雪咁，炸得香脆嘅，炸粉厚又唔够盐，无乜味。饮品要左白桃绿茶，几香桃味，略甜。套餐价钱60-70蚊左右，属平价了。其实都ok嘅，food court唔好要求太多啦。