匠工房秀吉 (已結業)

而家出黎食饭 要三十蚊埋单几乎无可能 出到黎沙田的话 无四五十蚊更加唔洗谂 好在！！！！系沙田新城市广场三期food court 入边间秀吉就做到 $30蚊叫一个A餐 有炒面同大大块的烧饼 先讲炒面 味道真系唔错 材料有牛肉 菜 萝卜丝 仲加左少少姜丝 另外讲个烧饼 成块饼系用蛋浆放系铁板上边烧 上面有好大块猪肉 讲真旧饼好大块 真系好大块 自己一个人肯定食唔哂 ps 成间野最抵食一定系A餐 如果想享受较高水平的食物品质 一定唔好拣繁忙时间黎食 因为佢赶时间一定hea整 另外 佢呢间野属于开放式厨房 食客一边等拎自己的食物可以了解食物系点整 同时成个制作过程大家都望住 确保食物卫生唔会马虎