老祖食堂

营业中

休息中

嚟到东涌行街，喺买嘢之余都要食个lunch增加战斗力。今日就拣咗喺佐敦有分店，连续两年2023至2024年米芝莲推介嘅老祖食堂食个lunch。老祖食堂系喺东涌商场嘅food court里面嘅，主力推介嘅系关西嘅怀旧食品。当日都点咗唔少嘢食，当中不得不推介同埋我最为欣赏嘅就系炸肉糭。炸肉糭系其他餐厅比较少见，所以当日就好奇点咗嚟试一试。炸肉糭令人十分有惊喜，肉糭炸到超级干身脆身，而且一片里有齐平时肉糭嘅绿豆同埋瘦肉，系喺出边其他餐厅食唔到嘅味道。另一个推介嘅系黯然销魂饭，满满嘅饭上面铺满左肥瘦相间嘅叉烧，仲有流心嘅煎蛋，加埋饭嘅酱汁，真系十分诱人。呢片叉烧亦都系用咗特别嘅黑毛猪制造，所以充满咗猪肉嘅香味。至于Xo酱煎肠粉，虾米同XO酱都非常出色，大家都可以点嚟试一试。饮品方面，最近好兴嘅手打香水柠檬呢度都一样有得嗌。仲有好多特别嘅口味。当日就点咗一杯香茅味同埋一杯好特别嘅青瓜苦瓜味道。香茅味嘅一杯非常突出，好似饮紧一杯泰式饮品，夏天真系透心凉同埋非常合适。而苦瓜青瓜嘅杯，苦味唔算突出，青瓜味同埋苦瓜味嘅总和令到呢杯饮品非常清新清爽。