混亂 STEAK (已結業)

喺逸东酒店楼下food court揾食。见到间近年好兴嘅steak餐厅。于是就决定一试。有三款牛可以拣。肉眼牛柳西冷。牛最少要叫300g。拣完牛就可以拣一种油放面。之后再决定加唔加$18转set。有饭汤沙律汽水4选3。原本谂住平平地试下肉眼。店员表示今日肉眼比较多筋会硬啲。所以最后拣左牛柳400g。三倍洋葱油同转set。set嘅饭可以拣份量。拣左最多嘅300g。店员会将肉放喺收银前嘅磅俾客人睇重量。逐gram计钱。好老实。沙律同饮品会俾左先。之后等左15分钟左右终于拎得旧牛。拎嘅时候铁板已经系冷静哂。唔会再有滋滋声。牛扒用洋葱垫起。防止overcook。食嘅时候牛扒大约5成熟。熟度控制得唔错。牛柳够淋滑有肉味。以呢个价钱质素算系唔错。洋葱油系喺牛扒面放上洋葱粒。老实讲又唔觉有咩特别。沙律系椰菜沙律。可以去油腻。不过等牛嘅时候已经食晒。如果沙律可以refill就更好。😝牛肉味比正式steak house系有啲分别。不过突然想食下牛的话。绝对可以一试。