點茶館

营业中

休息中

Food court都可以饮茶😂而且平平地午市套餐$68有饭有点心。环境餐牌除咗午市套餐，都可以单点。 午市套餐 $68套餐有荷叶蒸饭＋点心＋精选茗茶。荷叶蒸饭五选一，拣左凤爪排骨饭，而点心同样都系五选一，就拣咗香菇烧卖。荷叶蒸饭即叫即蒸，凤爪两只排骨有成5-6件，份量有诚意，酱汁好惹味，欣赏饭底唔会太湿。香菇烧卖好足料，烧卖弹牙。 点心拼盘 $52叉烧包（1个）＋虾饺皇（1粒）＋飞碟云吞（1件）＋香菇烧卖（1件）＋枣皇糕（1件）。有5件点心，满足一次想食多款点心嘅人，各款都做得唔错，同系酒楼食嘅质素一样，枣皇糕几有惊喜，烟烟韧韧又唔太甜。金钱肚（特点） $38 另外叫咗个金钱肚，份量都不少，金钱肚稔身腌得入味。