金鶴拉麵 (荷李活道) (已結業)

去中环接朋友收工，好想食拉面，就求其入咗一间，款式都几多，搞到我选择困难🤣质素唔错！朋友好想试牛骨汤拉面不过就售罄，希望下次有机会试！我哋分别叫咗两个拉面同一份串烧👉🏻北海道蟹汤拉面 $138一上枱真系好吸引，有一座山咁多嘅蟹肉！汤头都好鲜甜！店员话个汤系北海道直送，食每一啖都劲幸福😋题外话：我劲钟意食糖心蛋，呢度嘅糖心蛋几好食，店员仲提醒我哋登记做会员会送多粒，劲开心🤣👉🏻极浓鸡白汤拉面 $138厨师推介一定要试啦，系用原只鸡煮咗八个钟嘅汤底，真系好浓稠！听讲好多骨胶原，忍唔住全部饮晒😋 同埋好钟意食佢个慢煮鸡胸！👉🏻盐烧五花腩 $48有两串，因为猪肉够新鲜，净系用盐烧都唔错，每一啖都好香！下次再试埋佢其他串烧！环境都几舒服，同埋厨房好干净感觉好安心！