阿佳拌麵 (已結業)

少咗煮饭，其实叫外卖自取都系唔错嘅选择，发现咗一间台湾菜店原本都系主打外卖自取，而且价钱都比较相宜！贵妃鸡卷拌面+沙茶酱好特别嘅贵妃鸡卷，味道好香，具有台湾风味，问店员最推介沙茶酱，同样提升香味。别具一番风味！面质方面有弹性，而且分量十足，相当丰富。咖喱鸡饭都比想像中多好多份量，而且咖喱味都够晒香，味道唔辣，甜甜地，鸡肉唔嚡。性价比都真系高$35就食到！蚵仔面线加大肠少辣鱿鱼面线少辣食台湾嘢唔少得面线，辣辣地都好香，我就同屋企人share里面嘅𩠌菜，一次过可以试晒三款主打，鱿鱼有咬口但系唔会太韧；蚵仔粒粒香又唔腥，胀卜卜好饱满；大肠比较林同入味，加上极多花生及芫荽，超啱我口味。