爆丼丼 (已結業)

荃湾车站附近有一间食刺身丼饭嘅日本餐厅，开咗一段时间，见证住呢几个月越来越多客人，就咁就试一试啦！餐牌嘅选择都有好多，比想像中丰富得多。极上生鱼丼$158三文鱼腩、油甘鱼、帆立贝、赤虾、海胆$158嘅价钱有咁多份量真系几抵食，净系个饭都够晒，如果两个女仔可能叫一个饭再加啲小食都够晒食。当然表面刺身亦都非常足料，包括有超级肥美无筋嘅三文鱼腩，香滑油甘鱼，帆立贝滑身鲜甜，赤虾新鲜大只，海胆味道又甜又香浓。两个人分享刺身饭绝对冇难度！横滨咖喱吉列猪扒丼$62Share多个咖喱饭，横滨咖喱份量十足，每一口都系好香但系唔辣嘅甜咖喱味。吉列猪扒份量都唔可以睇小，有好多旧，个炸皮都算系几香脆，真系每一份都大大件，亦都松化。仲有2个汤系包埋，味道几清新！芝麻鸡翼两只$38最后叫多一款小食芝麻鸡翼，本身期望不大，但系嚟到发现除咗肉质保留肉汁之外，个外皮炸得好香脆同埋有我好钟意嘅强劲嘅油炸味，正！