金鶴拉麵 (荷李活道) (已結業)

金鹤拉面嘅鸡白汤不嬲都好多人推介，不过我另外更加钟意佢呢度有唔同嘅限定拉面款式。今次就去咗中环揾工嘅朋友食晚饭，见到佢个限定拉面有龙虾汤拉面，唔同价钱可以拣龙虾汤配搭龙虾尾或单纯龙虾汤。朋友系龙虾迷，就当然拣埋龙虾尾！（跟住再开心share）极浓龙虾汤拉面 $198 （配一只龙虾尾）估唔到个龙虾汤汤底真系有啲似西式龙虾汤，好香浓，摆明系用足料，鲜味十足，带有轻微咸香，我哋未食过拉面之前都系咁饮汤。而佢表面嘅龙虾味同样爽口弹牙，比想像中鲜味得多～ 绝对唔系剩系得个样。而且亦都配搭有紫菜、糖心蛋、豚肉，整体相当丰富。金鹤鸡白汤拉面$98鸡白汤基本上系必食之选，佢有得拣基本定系极浓，价钱有啲唔同，因为龙虾汤系极浓，所以鸡白汤今次就拣基本口味。但系同样好香滑，鸡香突出！而且仲有两件慢煮鸡胸，比想像中嫩滑得多。我见有啲人都有叫埋串烧啤酒等等，下次都试吓嚟Chill下！