影片
更多
2011-01-11
80 浏览
10月27日, 是晚有事要出旺角, 呀菲坚持要嚟呢一间食, 走到老远去到佐敦都想食咁话, 望到入面已经好多人, 开头有位外籍服务员话今晚full booking! 哗平日啫都咁多人? 好好彩呀, 佢睇完schedule之后最后都有一张2人枱俾我地, 虽然位置麻麻坐得都几迫, 不过佢地嘅食物好似好吸引wor~ 呀菲今次应该冇介绍错卦~::: 炸杂菜 :::先来个餐前小食, 喺黑暗嘅环境底下真系睇唔出系d乜野, 食落口先知系𠮶d印度式嘅炸杂菜~ 已经唔热, 只有微暖, 但系口感都几丰富~ 味道浓郁, 落足印度香料去炸~ 2小粒, 唔太够, 不过作为餐前小食, 已经足以令我胃口大开~::: 四季薄饼 ::: $92呀菲极力推介的小酒窝招牌菜, 好似每一枱都必叫, 睇到厨房久唔久就出一个~ 认真当之无愧! 卖相唔算特别, 不过精髓就在饼底, 芝士, sour cream同面头嘅一小滴泰式辣酱~ 果真好fusion! 薄饼配sour cream加泰式辣酱真系未见过, 但系出嚟嘅味道少少酸辣又十分惹味, 再配上鸡肉, 芝士, 蘑菇等材料又好夹wor, 仲非常开胃! 再讲个饼底, 真系好脆! 厚得
::: 炸杂菜 :::
先来个餐前小食, 喺黑暗嘅环境底下真系睇唔出系d乜野, 食落口先知系𠮶d印度式嘅炸杂菜~ 已经唔热, 只有微暖, 但系口感都几丰富~ 味道浓郁, 落足印度香料去炸~ 2小粒, 唔太够, 不过作为餐前小食, 已经足以令我胃口大开~
::: 四季薄饼 ::: $92
呀菲极力推介的小酒窝招牌菜, 好似每一枱都必叫, 睇到厨房久唔久就出一个~ 认真当之无愧! 卖相唔算特别, 不过精髓就在饼底, 芝士, sour cream同面头嘅一小滴泰式辣酱~ 果真好fusion! 薄饼配sour cream加泰式辣酱真系未见过, 但系出嚟嘅味道少少酸辣又十分惹味, 再配上鸡肉, 芝士, 蘑菇等材料又好夹wor, 仲非常开胃! 再讲个饼底, 真系好脆! 厚得嚟仲食到好似饼干嘅香脆, 又唔会硬到黐牙, 仲带少少㶶香, 焗制时间刚好, 好美味~ 一个大大嘅薄饼我地2人食真系啱啱好, 如果细食d 3个人食就刚好一人2件, 又可以食多d其他野~
::: 烧猪肋骨 ::: $78
因为个薄饼份量唔少, 我地都只系叫多咗一样食物, 就已经够了~ 呢个烧肋骨价钱咁公道, 心谂应该唔多… 不过原来份量都唔细wor, 仲有椰菜沙律同薯角伴碟~ 不过佢唔系babyribs, 肉地小韧, 无babyribs咁淋. 味道就略为淡口, 不过有搽bbq酱, 都可以吊番d味~ 炸薯角都炸得几香口, 仲几脆, 都十分唔错~
环境暗暗, 其实一班人嚟食野倾计真系啱晒, 仲有好多人都嚟叫个pizza插支蜡烛咁样庆祝生日! 可惜系环境唔够宽阔, 枱同枱之间冇乜距离, 座位亦有d迫夹, 经常可以听到隔离枱d对话~ 下次嚟食一定要book咗枱先, walk in真系好讲彩数, 不过d服务员都好有礼貌~ 食得好饱饱, 肚子得到一百分嘅满足, 味道嚟讲四季薄饼完全系无懈可击, 应该系喺香港食过最好味嘅薄饼!!
张贴
