鳥棲日本料理 (已結業)

钟意自己带酒。成日都要周围揾free corkage嘅餐厅。上次路过见到呢一间新开嘅餐厅大部份都系梳化位。想坐得舒服啲于是就尝试问下。结果系free corkage。望一望个Menu。食物嘅价钱平。分量就细细份咁。绝对啱晒2个人黎又好想试好多唔同野嘅人。前菜叫左矶煮鲍鱼。芝士明太子蛋卷。鲍鱼弹牙入味。不过就冇乜鲜味。配埋嘅酱油过咸可以唔用。蛋卷有惊喜。芝士蛋卷上面有一条明太子。明太子微辣又唔会过咸。配搭一绝。串烧叫咗牛舌。鸡肾。和牛。大葱鸡肉。牛肉鸡肉麻麻。不过鸡肾牛舌大赞。厚切爽口。调味亦足。茄子已经去皮。厚肉多汁。配上日式甜面酱。味道清甜。一夜干有惊喜。味道适中有咸香味。虽然油脂唔够。不过鱼肉好厚。以呢个价钱质素非常高。同白酒十分配合。炸墨鱼咀选用大粒墨鱼嘴。所以入口时有汁又有咬口。不过略嫌俾七味粉抢晒啲味。同埋份量较少。天妇罗大赞。炸浆够薄。南瓜够甜。明显炸嘅时候有再洒炸浆落天妇罗上面。所以天妇罗面有好多又散又脆嘅炸浆。以呢个价钱食咗咁多嘢真系性价比超高。开放式厨房亦冇令到餐厅有一阵油味。餐厅冇限时。2人都系坐4人枱。大赞。不过就只收现金。记得带钱食饭。