海饌 - 海鮮牛扒餐廳 (Fashion Walk)

营业中

休息中

肥鸡有晚同朋友响铜锣湾，Fashion Walk拣咗一间西餐餐厅，见到佢个二人餐几抵食，仲要红白酒任饮，捉咗朋友入去试吓。本身个餐系包含四只生蚝，但系因为咁啱𠮶日大家个肚都唔舒服，所以商家好贴心咁样转左个沙律俾我哋。佢俾咗两款沙律，第一款沙律就系无花果配嫩菠菜布里芝士，配埋酸甜嘅希腊乳酪沙律汁，口感即刻好fresh。而佢知道肥鸡钟意食mozzarella cheese,即刻整多个黑醋汁Mozzarella cheese with Tomato,酸甜酸甜配上芝士嘅奶香。佢嘅主菜有新奥尔良香辣牛油海鲜拼盘，入边有香肠，大虾鲍鱼，鱿鱼等等海鲜配菜，热辣辣送上枱真系好正再嚟多份特级西冷牛，嗌个五成熟，牛肉汁香浓又Juicy，配上烟靭嘅口感，棉滑嘅薯蓉，食到个肚真系饱到捧住走。再嚟多个开心果芭菲，开心果味几浓郁，下面系饼底，食落去成个口腔都好fresh。