影片
更多
2016-11-08
838 浏览
呢间Friends系观塘Go Inside Kitchen嘅姐妹店，餐厅部份侍应为聋人或弱听人士，以黑色制服去分辨，当日所见楼面大部份都系黑色制服侍应。午餐主菜同观塘𠮶间有啲分别，不过其他嘢就大致相同。有需要嘅话可以举起佢哋提供嘅牌，侍应就会行过嚟协助。餐纸上明确地印上各种物件嘅名称同图案，例如系用餐时可能会用到嘅调味料，甚至系走甜等等特别需求嘅字句，当日我同黑色制服侍应落order就系靠佢。田园沙律，入面有车厘茄、粟米、青瓜、红椰菜、红生菜、飞机菜等等，蔬菜爽脆，柚子醋酸香，餐前食多啲菜感觉好似健康啲。新鲜空运美国安格斯肉眼配黑椒汁，见餐牌写每日限售十二份，于是叫嚟试试。肉眼扒颇大块，厚薄度刚好，生熟度拣咗五成熟，肉质尚算松化，只系某啲筋位要咀嚼多几吓。就咁食已经够味，又者蘸黑椒汁嚟食。伴碟嘅薯角炸得脆口，肉眼扒下就有炒椰菜、翠玉瓜、茄子、小甘笋等等。莫卡咖啡，系甜香朱古力味为主嘅咖啡。最后仲试埋意大利芝士饼，一碟有三小件，质感挺身软绵，带少少咖啡酒甜香。呢度黑色制服侍应（聋人或弱听人士）嘅服务态度唔错，感觉上比一般餐厅侍应更勤快有礼。不过如果想揾佢哋帮忙嘅话就要包容一下，只要晌佢哋
呢间Friends系观塘Go Inside Kitchen嘅姐妹店，餐厅部份侍应为聋人或弱听人士，以黑色制服去分辨，当日所见楼面大部份都系黑色制服侍应。
午餐主菜同观塘𠮶间有啲分别，不过其他嘢就大致相同。
有需要嘅话可以举起佢哋提供嘅牌，侍应就会行过嚟协助。
餐纸上明确地印上各种物件嘅名称同图案，例如系用餐时可能会用到嘅调味料，甚至系走甜等等特别需求嘅字句，当日我同黑色制服侍应落order就系靠佢。
田园沙律，入面有车厘茄、粟米、青瓜、红椰菜、红生菜、飞机菜等等，蔬菜爽脆，柚子醋酸香，餐前食多啲菜感觉好似健康啲。
新鲜空运美国安格斯肉眼配黑椒汁，见餐牌写每日限售十二份，于是叫嚟试试。肉眼扒颇大块，厚薄度刚好，生熟度拣咗五成熟，肉质尚算松化，只系某啲筋位要咀嚼多几吓。就咁食已经够味，又者蘸黑椒汁嚟食。伴碟嘅薯角炸得脆口，肉眼扒下就有炒椰菜、翠玉瓜、茄子、小甘笋等等。
莫卡咖啡，系甜香朱古力味为主嘅咖啡。
最后仲试埋意大利芝士饼，一碟有三小件，质感挺身软绵，带少少咖啡酒甜香。呢度黑色制服侍应（聋人或弱听人士）嘅服务态度唔错，感觉上比一般餐厅侍应更勤快有礼。不过如果想揾佢哋帮忙嘅话就要包容一下，只要晌佢哋嘅视线范围内举牌就一定会得到回应。
张贴
