施心畢老撾餐廳

营业中

休息中

从来无试过老挝菜，真系要见识一下。据了解老挝就晌越南、泰国隔离，所以菜式都近似呢两个国家。咁「施心毕」又系乜东东呢?? 原来「施心毕」系老挝皇朝嘅姓氏，老板都系老挝皇朝嘅后代。哗…是拉差牛油鸡翼非常、极之惹味。虽然无一般牛油鸡翼咁脆口，但是拉差辣酱带一点点微酸，味道极之平衡。惹味程度爆灯。鸡翼做成单骨，食起嚟较方便老挝网状虾春卷油温刚刚好，春卷完全无油腻感。效果金黄、酥脆。蘸上柠檬鱼露一齐食，出色。老挝牛肉100%全米汤粉其实我唔清楚甚么是100%全米汤粉。但相比起一般米粉，韧度的确强一点。口感有一点点像 Al Dente 意粉。牛骨汤无越南牛河嘅牛骨汤咁浓重，相反多咗少少香料味。生牛肉嫩滑得嚟有肉香。配料有大量银芽、豆卜，份量够多。整体价钱合理，食物有质素。