瑪拉小廚 (已結業)

今日行开佐敦， 见呢间fushion菜食评ok,就去试下。8点几去食，一入去就有位，坐底就即刻送左个免费嘅类似墨西哥脆片嘅野俾我地食，略嫌个脆片喊医少少。跟住叫左个尼泊尔饺子，其实如果唔点佢啲酱，佢同普通饺子并无咩分别，不过饺子有肉汁，不过不失啦之后梗系唔少得叫个羊肉玛拉加个千层薄饼啦，唔算好辣，岩哂我，正~之后仲叫左个risotto,系店员推荐嘅，真系几好食估唔到最正嘅竟然系risotto, 啲虾又唔会“梅“，几爽口，值得一试。饮品方面，佢地会系饮品上画公仔有心思试左杯 avocado shake 同mango lassi，唔算好甜，但我个人较喜欢mango, 牛油果用黎做饮品我唔太习惯。食完哂我叫左个心太软冇流心总括而言，呢间小店服务细心，又会经常帮你加水执枱，食物价钱又算平，每人平均都系一百左右，值得一试。