龍點心 (Eastcore)

营业中

休息中

呢间点心专门店主打新式点心，价钱唔算平，下午茶有八折，试左九款点心，整体觉得配搭新颖，食物味道唔错但又唔算特别深刻想Encore。龙虾汁墨鱼烧卖 $42 面层系弹牙墨鱼胶，底层烧卖真系有流心龙虾汁，几香浓。麻辣牛肉烧卖 $36普通牛肉烧卖，麻辣味唔系好出。卤水鹌鹑蛋烧卖 $36同平时食开既鹌鹑蛋烧卖差唔多，卤唔卤水都差唔多。比较特别系粒烧卖有虾肉，唔系普通猪肉烧卖。酸菜鱼凤眼饺 $36食到酸菜鱼个味同鱼肉，但唔算好突出。马拉小笼包 $36个小笼包肉骨茶味几浓，我几钟意。凤爪拼金钱肚 $36唔知点解摆埋一齐，大概是味道相近，每样三件，金钱肚爽口，凤爪正常，垫底唔系花生而系红腰豆几特别。口水汁龙利鱼肠粉$42肠粉够大件够滑，龙利鱼亦系滑溜，口水汁惹味香辣，味道口感都夹，好味。蕃茄蛋春卷 $32蕃茄炒蛋加入春卷都几清新，脆口之中有香浓蛋味。豌豆桃子 $32绿色寿包，个馅系豌豆蓉，唔系好多馅所以食落无咩味。