南駅 (已結業)

同朋友系东大街行左几圈都谂唔到食咩，最后就决定试下呢间新派fusion餐厅。蒜香海鲜笼仔糯米饭喺餐厅出面嘅海报见到觉得几特别几吸引，所以入到去即刻叫嚟食。饭面头铺咗几种海鲜，有带子、 象拔蚌及蟹柳等，饭底则系入口软糯的糯米饭。蒸出嚟香喷喷充满蒜香，食落都几惹味。虽然望落好似好大碗，但其实个笼仔只有一半深度，当日唔算太肚饿所以都够食。烟三文鱼香脆薄饼饼底非常薄身同脆口，食落似食饼干多过薄饼。烟三文鱼份量都算多，舖满整个pizza，连埋其他配料红洋葱同芝士一齐食甜甜地都几夹。