甘味讚岐手打烏冬 (已結業)

以屋邨商场嚟讲，沙田第一城都几旺，每次嚟开呢头都见间间餐厅都要排队等位。好多餐厅红日都唔提供午市优惠，例如同场嘅元气、味千等就无提供套餐，于是乎顺理成章选择咗呢间乌冬面主食加餐饮盛惠$60，冻饮另加$3。以日本菜而言配搭有啲奇突，譬如我点嘅呢道麻辣汤乌冬配麻辣鸡，感觉似中非日麻辣汤香辣惹味，乌冬粗身弹牙，挂汁力唔错，每条乌冬都蘸上汤底嘅辣香。鸡粒加入洋葱伴炒更香口，肉质结实饱满，入口唔肥腻，份量都算几多，作为午餐一定够饱。