小喇咩 (已結業)

𠮶日收工同同事去咗little la mer食饭，知道系黄长兴开的~无谂过又真系见到佢㖞，仲加多个林子善添😁好，入返正题，首先食咗个头盘温泉蛋芝士蟹肉大烤菇（$68），记得衬热食，好juicy！芝士蟹肉嘅味够浓又唔会抢过大烤菇嘅味。意式卡邦尼芝士鸡翼（$68），啱哂系街食因为系单骨的！淋上毫不吝啬嘅卡邦尼芝士，搭上脆口嘅鸡翼，大满足！黄金流沙炸虾薄饼（$178），好好食呀！上面系咸蛋黄所以会腻啲，但系又胜在饼底系薄脆饼，食落light啲。小喇咩特盛杂锦汤河（$158），就觉得系好食嘅，汤头都甜，牛肉都几嫩。甜品本身想叫绿茶千层蛋糕嘅，但系𠮶日无哂，所以叫咗火焰焦糖香蕉伴雪糕（$78）。