韓川

营业中

休息中

环境雅座别致，有两层高，食物用心制作，Fusion韩国菜，要注意OpenRice地点错误，近银行中心出口，并非B2出口，如果唔系就行得比较远。服务员话原来呢排大热芝士餐单，所以都拣咗芝士乌冬同芝士肉松馒头。芝士大头虾汤乌冬$168用三种唔同芝士嘅口味，分别适合冻食同热食，冻食嘅芝士味就会更加浓郁，热食嘅话就会有种拉丝嘅感觉，用心制作。芝士肉松馒头$26炸脆馒头上面铺左芝士同肉松，入口甜甜地脆脆地，好味呀！推介！串烧款式好多，而且抵食，配下烧酒系唔错选择，特别推介鸡肾，狮子狗同花枝丸。火鸡肾$16鸡颈肉$28猪颈肉$19芝士狮子狗$18娃娃菜$13鸡髀菇$13烧卖$18花枝丸$18蒜蓉烧茄子$58茄子大大份，系原条上架，上面加左蒜蓉，好香口美味。整体而言唔错，之前一听到fusion都会感觉嫲嫲，因为唔一定整得好食，但系今次喜出望外，啲食物真系样样都唔错，而且够特色，用心制作，另外服务员态度超好，友善，服务一流。