影片
更多
2020-05-09
314 浏览
因為肺炎既關係都少左出街食飯，難得復活節連假就來懲罰下依間bookmark左好耐既黃店啦。蛋包泰式炒金邊粉伴扒大虎蝦（$148）上碟係幾靚既，份量亦都幾大。不過金邊粉炒得有啲乾，虎蝦就正常，整體味道一般。風味炸薯條配蕃茄醬、黑松露醬及泰式甜辣醬（$68）薯條份量多，而且到時熱辣辣好脆，炸得唔錯。但薯條最重要既薯味佢係冇既，好彩個黑松露醬幾好食搭救。泰式炸蝦餅（$78）依個反而有驚喜，外面炸得脆而炸粉唔會太厚，入面既蝦膠口感彈牙有蝦味，值得一試。泰式青檸茶（$40）& 凍特濃抹茶鮮奶（$45）泰式青檸茶係用青檸糖漿所以唔可以走甜只能少甜，不過叫左少甜都係覺得好甜。茶味青檸味都冇特別出，表現普通。特濃抹茶鮮奶既抹茶真係好濃，即使冇調整甜度佢本身就已經好唔甜喇，鍾意抹茶既朋友可以一試。總評依到環境唔錯，坐得舒服，好適合朋友聚餐。食物方面就不過不失但都冇伏既，今次係因為有訂坐優惠，如果俾正價就未必太值喇。但見到佢假日都有lunch set，所以都可以試下既。
蛋包泰式炒金邊粉伴扒大虎蝦（$148）
上碟係幾靚既，份量亦都幾大。不過金邊粉炒得有啲乾，虎蝦就正常，整體味道一般。
蛋包泰式炒金邊粉伴扒大虎蝦
18 浏览
1 赞好
0 留言
風味炸薯條配蕃茄醬、黑松露醬及泰式甜辣醬（$68）
薯條份量多，而且到時熱辣辣好脆，炸得唔錯。但薯條最重要既薯味佢係冇既，好彩個黑松露醬幾好食搭救。
風味炸薯條
5 浏览
0 赞好
0 留言
泰式炸蝦餅（$78）
依個反而有驚喜，外面炸得脆而炸粉唔會太厚，入面既蝦膠口感彈牙有蝦味，值得一試。
泰式炸蝦餅
6 浏览
0 赞好
0 留言
泰式青檸茶（$40）& 凍特濃抹茶鮮奶（$45）
泰式青檸茶係用青檸糖漿所以唔可以走甜只能少甜，不過叫左少甜都係覺得好甜。茶味青檸味都冇特別出，表現普通。
特濃抹茶鮮奶既抹茶真係好濃，即使冇調整甜度佢本身就已經好唔甜喇，鍾意抹茶既朋友可以一試。
泰式青檸茶&凍特濃抹茶鮮奶
9 浏览
0 赞好
0 留言
總評
依到環境唔錯，坐得舒服，好適合朋友聚餐。食物方面就不過不失但都冇伏既，今次係因為有訂坐優惠，如果俾正價就未必太值喇。但見到佢假日都有lunch set，所以都可以試下既。
张贴
