My Ahjussi (已結業)

难得妈咪话今晚得闲，挂住佢就请佢食餐饭啦！想带佢去感受下年轻人嘅气息～听朋友讲大角咀有一间韩式舖头几好，就同佢嚟啦～舖头名好得意…My Ahjussi…即系「我的大叔」？唔通系致敬套韩剧？？😜妈咪话唔系好肚饿，咁就先叫个炸豆腐牛油果沙律🥙～一上枱佢就话：咦？又热又冻嘅？😁Fusion嘅嘢你识咩呀～😜不过炸豆腐沙律我都系第一次食，估唔到啲豆腐非常嫩滑，配埋牛油果同麻酱沙律，又几夹㖞！！🥰👍🏻再叫多个辣炒五花肉年糕锅，个锅除咗爽口嘅猪腩肉，仲有好多蔬菜：京葱、金菇、韮菜、泡菜同埋年糕，味道唔会太辣，甜甜地，啱晒妈咪～🍲我最钟意食粉丝，就叫个鱼糕粉丝汤，除咗粉丝，仲有两大串鱼糕加肉丸子，其实食完都几饱肚～🥣要一提～佢嘅泡菜真系好好味，最钟意韩式传统泡菜𠮶只鱿鱼咸香味，我叫咗杯玫瑰花茶畀妈咪☕，我就饮芝士奶盖蜜桃绿茶🍹。最衰妈咪话唔食热气嘢～如果唔系就会享用埋店内内做紧「一蚊六件鸡」嘅优惠啦～不过大家都食得好开心！！🥰🤗