Bamboo Thai (如心廣場一期)

营业中

休息中

平时见呢间餐厅都有长长人龙等位，所以有预先book位。7:30去到门口已见贴左告示火山排骨售罄，都有啲失望，因为专登想食呢款招牌菜，不过打俾既然book左，都照食啦。入坐后侍应生非常有礼貌，同我地讲话留起左几份火山排骨俾预先book位即客人，问我地需唔需要落左单先。我哋当然话好啦，当日仲有另一款期间限定嘅活火山排骨，问左侍应生话系蕃茄味，辣味适中，因为我本身都好钟意番茄，所以就拣左佢虽然卖相好辣咁，但系实际都唔算太辣，味道偏酸，个人钟意食酸野，就觉得好好味。餐厅贴心地提供埋手套，可以豪迈咁拎住成旧食，大快朵颐。虽然系小份，个都有6-7旧，3人食都够。肉质方面够淋又香肉味，非常之唔错。餐厅都有提供一个碟放骨同职员会主动过嚟换碟，服务值得一赞青咖哩大虾炒糙米饭，香料味十足，都重椰香味，但唔会太咸，唔辣，个人觉得如果辣少少就好。有3只大虾，都爽口。糙米饭有少少似意大利饭，个人几好钟意佢硬硬地嘅口感。整体来讲都好满意，坐得舒服，服务又好，下次会再嚟试下原味火山排骨。