Eagle & Sparrow Music Cafe

营业中

休息中

食物质素唔错，LUNCH TIME 都唔系好多人，平均等左 15分钟左右就食得，意粉类会快少少。有心机整的素食餐厅。素食餐厅一般都以饭为主食，呢间有低碳同生酮拣，实在唔话得。令素食既层次又提升左。人少少就同店主倾下计，佢话好多人对素食唔系好接受（尤其街坊）因为大家都食肉为主，不过佢话想推广素食，就算而家小人D 迟D希望会多D人黎支持下，因为好野系会有人识欣赏既 ！讲返食物，食左个洋葱酱爆BUGER ，一咬个BURGER 就有芝士流心出左黎，加埋焦糖化既洋葱，真系好JUICY。而且个PATTY 系OMNI BEEF 黎，不过佢地加过工所以有流心芝士爆出黎既效果！唔系一般地方食得到！咖啡饮左 FLAT WHITE ，好好饮，用左本地小店ONE PLUS ONE 炒豆工场的咖啡豆，唔错唔错。用膳期间见到有D 人睇左餐牌之后走左，听到话系素食所以走左，但店主话应该忠于自己，推广素食。