一君士多 (已結業)

平时经过已经好想试吓，但都几多人，惊排队，所以无去到，今次就试下佢嘅车仔面先。我叫咗个广岛蚝汤泡饭，朋友叫咗个霸王面，一人一杯嘢饮，再加个一君炸蛋同磨菇芝士鸡翼。上枱了，首先系我杯热利宾纳，好似唔系好觉平时啲餐厅有热利宾纳，呢杯就甜度适中，朋友嘅黑牛好怀旧，味道都ok, 佢表示好怀念细个嘅时候，有得饮就开心哂。一君炸蛋，其实系鹌鹑蛋嚟嘅，都几特别㖞，一口一啖，又重蛋味，好食。磨菇芝士鸡翼，真系估佢唔到，一咬入去，啲芝士漏哂岀嚟😂😻正！轮到我个泡饭，又系癫倒咗我嘅认知，本身以为会系中式汤底咁，点知佢系忌廉汤底，食落好creamy 有少少漏，系我钟意喔口味，啲蚝大大只，劲新鲜，食落又够滑又软又唔会有渣，大推！😊 朋友个霸王面有鲍鱼、广岛蚝丶花胶丶花菇。我试咗几啖，汤底浓郁，似系煲咗好耐，成个汤都好甜，好重骨胶原。连埋啲料都好入味，好食！