龍點心 (Eastcore)

营业中

休息中

为左庆祝湾仔新铺开张，每枱客人都有welcome food，每日款式都唔一样，但就未知会做到几时，如果想食就要快D去食啦。桂花糕 + 豆沙饼两个甜品都唔会太甜，桂花糕食落口好清新，而且都有好香桂花味。豆沙饼内饀一咬就会爆出黎，绝对唔会因为系送既就厚皮少饀，而且内在有少少类似话梅既酸，都几开胃。脆脆富贵红米肠粉有配豉油同酸甜酱，但我就比较中意配豉油，可能因为系肠粉啦~ 内饀包左虾卷，虾都好爽口，唔会梅，而入面都唔会因为包左一层肠粉而软晒，食落口都系有酥炸脆口既感觉。黑金流沙包其实就同出面茶楼好食既流沙包差不多，但佢外表就会比较特出D，用黎打卡一流。包都松软，但会有饱肚感，而流沙饀都有流沙既效果出黎，而且唔会过份甜同有蛋黄既香味。绝对系一个合格既流沙包。肉松马拉糕好好食既马拉糕，谂唔到肉松同马拉糕原来都可以禁夹，有咸甜咸甜既味道，令人好想不断食落去。佢系肉松同马拉糕中间好似揸左少少花生酱同炼奶，所以都有少少花生香同奶香。豆腐布丁唔会太甜，好重豆浆味，如果中意豆浆既话，应该都会几中意食。