影片
更多
2022-01-25
3339 浏览
出到街有阵风吹黎冻冻哋，又想食热辣辣嘅烧肉，去左大阪烧肉试吓先。午餐餐牌有二人餐，三人餐，大部份系单人烧肉餐或饭餐。唔洗谂，叫左个最贵嘅和牛豪华二人前，$538另加一，包和牛肉眼，薄切和牛肩肉，牛肋肉，黑豚腩肉，上等牛肋肉，牛胸腹肉，白饭，汤，沙律，泡菜。和牛肉眼服务员话系日本黎，超薄切，上面加左少少白芝麻粒同黑胡椒调味，伴有好辣嘅芥末酱。我哋烧得生生哋就食，非常腍，入口即熔，肉汁丰富，不过好多肥膏。薄切和牛肩肉真系超薄切，好烂蓉蓉，毫无质感可言，不过唔韧。烧肉汁好浓，味道主要食汁。另配两只生鸡蛋连酱汁，颇咸。牛肋肉，黑豚腩肉，上等牛肋肉，牛胸腹肉每款4块，除左豚肉，全部都得半块。有啲系切成三角形，好虾人烧。牛肋肉算嫩；黑豚腩肉唔够脆不过够腍；上等牛肋肉算好食嘅，有肉汁；牛胸腹肉有筋，较韧。全部烧肉都已经加好同一款烧肉汁，主要味道系个汁。枱上嘅烧烤炉发热唔多平均。白饭大大碗，湿润度啱啱好，我平时少食饭，不过今餐唔食唔够饱，好彩质素可以。汤系红白萝卜昆布汤，好细兜。沙律系生菜蟹柳蟹籽沙律，沙律酱唔多，蟹籽脆卜卜，质素正常。泡菜正常，加左少少白芝麻粒喺上面。总括而言，价钱贵，份量少，超薄切
唔洗谂，叫左个最贵嘅和牛豪华二人前，$538另加一，包和牛肉眼，薄切和牛肩肉，牛肋肉，黑豚腩肉，上等牛肋肉，牛胸腹肉，白饭，汤，沙律，泡菜。
和牛肉眼
23 浏览
1 赞好
0 留言
和牛肉眼
40 浏览
0 赞好
0 留言
和牛肉眼服务员话系日本黎，超薄切，上面加左少少白芝麻粒同黑胡椒调味，伴有好辣嘅芥末酱。我哋烧得生生哋就食，非常腍，入口即熔，肉汁丰富，不过好多肥膏。
薄切和牛肩肉
33 浏览
0 赞好
0 留言
薄切和牛肩肉真系超薄切，好烂蓉蓉，毫无质感可言，不过唔韧。烧肉汁好浓，味道主要食汁。另配两只生鸡蛋连酱汁，颇咸。
薄切和牛肩肉
23 浏览
0 赞好
0 留言
牛肋肉，黑豚腩肉，上等牛肋肉，牛胸腹肉每款4块，除左豚肉，全部都得半块。有啲系切成三角形，好虾人烧。
牛肋肉算嫩；黑豚腩肉唔够脆不过够腍；上等牛肋肉算好食嘅，有肉汁；牛胸腹肉有筋，较韧。全部烧肉都已经加好同一款烧肉汁，主要味道系个汁。枱上嘅烧烤炉发热唔多平均。
牛肋肉，黑豚腩肉，上等牛肋肉，牛胸腹肉
31 浏览
0 赞好
0 留言
白饭大大碗，湿润度啱啱好，我平时少食饭，不过今餐唔食唔够饱，好彩质素可以。
白饭
29 浏览
0 赞好
0 留言
汤系红白萝卜昆布汤，好细兜。
汤
31 浏览
0 赞好
0 留言
沙律系生菜蟹柳蟹籽沙律，沙律酱唔多，蟹籽脆卜卜，质素正常。
沙律
39 浏览
0 赞好
0 留言
泡菜正常，加左少少白芝麻粒喺上面。
泡菜
53 浏览
0 赞好
0 留言
总括而言，价钱贵，份量少，超薄切同细块，性价比好低，冇下次，下次要返去牛角先得。
张贴
