Gangnam OPPA (已結業)

早前得知呢度1200-1700全单有7折，自己又冇食过呢间，于是即刻约朋友黎试下。中午时间冇咩人，我地黎既时候得两台客。食到一半已经得番我地一台，完全霸气地包场😂每张台都放有小玩具，有冇人同我一样觉得呢个公仔好似金刚😂😂😂Oppa先为我地送上前菜我地三个人一共叫左两样野：首先系八爪鱼排骨 （$348），左边系排骨，有8件，每件都大大旧，好多肉😍😍而且肉质几淋，好易咬👍🏻炉边放有芝士，沾上芝士食真系邪恶至极😏😏右边系八爪鱼加年糕。个人觉得八爪鱼有少少韧，吾够爽口弹牙，但个汁辣辣地好惹味😌 捞芽菜一齐食更正，佢会索晒个汁😍😍 年糕就烟烟韧韧，几有咬口。侧边仲有肠仔、蛋同紫菜肉松饭团。饭团比较少馅，有d干。另外叫左半份🍯蜂蜜蒜香炸鸡🍗，都几大份。蜜糖超多呀😍😍😍😍😍每件鸡都沾满左蜜糖，甜甜地好正👍🏻 鸡肉肉质鲜嫩吾鞋口，炸粉亦都吾厚，而且炸得香脆，加埋香蒜就更香。炸鸡仲附上粗薯条同薯角呢～最后埋单三个人每人$120有找，有折既话都食得过既😌😌