潮福蒸氣石鍋 (已結業)

话说早两日小学同学gathering ,约咗去最近大家嘅旺角食饭，8个人唔知食咩好，咁就去咗通菜街嘅潮福蒸气石锅，食海鲜蒸气锅。呢度嘅菜色琳琅满目，就净系个海鲜吧已经有好多深海海鲜俾你拣。来到潮福蒸气石锅食嘢，梗系要食尽佢嘅海鲜啦！呢度嘅海鲜除咗话好新鲜，就系好新鲜！上菜嘅时候一盘又一盘嘅海鲜，有鲍鱼有龙趸有生蚝有青口，仲有好多贝壳类海产啱晒海鲜控嘅我哋。除咗海鲜之外仲有好多和牛任你食任你点！想得枱嘅和牛都系好新鲜全部鲜红色绝对冇瘀血一睇就知唔系隔夜牛肉！用海鲜蒸㶽蒸出嚟嘅牛肉啖啖鲜牛肉汁，啖啖爽滑牛肉口感真系一支棒！更值得赞扬嘅系龙趸鱼肉片每一天都好似三文鱼鱼生咁大片足足有两只手指咁阔咁粗咁厚既先甜又够口感！绝无欺场！除咗蒸得嘅嘢食之外蒸完之后大家仲可以食埋个粥底㶽！粥底㶽有南瓜同埋猪肉做配料，加埋浓厚嘅海鲜锅海鲜汁直头就将鲜带到更上一层楼！