Infinity Workshop Cafe (已結業)

今晚GIRL'S TALK，想揾个坐得舒服的地方，上网见到呢间楼上CAFE环境好正，一于同朋友黎试下，我地7点黎到唔太多人，仲有梳化位坐，每张台之间都好阔落，空间感好足够，好舒服，墙上的北欧风格装饰绝对系打卡位，另外值得一赞的系餐具都好靓呀﹗鲜带子虎虾青苹果沙律原来我地叫左同意粉一样的𩠌，好在带子同虎虾都好好食，我地唔介意重覆再食，沙律菜好新鲜，配埋黑醋，感觉好清新。香草烟肉蛋焗啡菇啡菇好多汁，估唔到加埋烟肉蛋，味道好夹。黑松露炒鲜带子虎虾意粉意粉爽脆，不会太腍，黑松露味好浓。炸龙利柳伴原切炸薯条龙利柳炸得好松脆，皮够薄，鱼肉好滑。蝶豆花+茉莉花花茶蝶豆花同茉莉花味道都不算浓味，加埋一齐饮落好清新，原来呢度D花茶系佢地自己包架，出面冇得卖架。雪糕心太软雪糕有朱古力、云呢拿、士多啤梨、石板街和曲奇味可选。朱古力心太软唔算太甜，切开有朱古力浆流出来。