Lady Nara

营业中

休息中

之前每次经过呢间Lady Nara都见好多人排紧队，今次见唔使排就决定入去试下。呢度似系fusion泰国菜，好多菜色都系泰国菜主题再加啲其他特色。先嚟一个鲜茄冬荫忌廉汤，冇咗一般冬荫功有嘅辛辣味，饮落系好creamy，似番茄汤，有饱肚感，同埋都几大碗。主菜要咗香茅烤鸡同海鲜冬荫意大利饭。香茅烤鸡好食在佢个香茅汁配柠檬汁，少少酸，感觉冇咁肥腻，鸡肉都烤得唔错，皮脆肉嫩。海鲜冬荫意大利饭系诚心推介，本身除咗平时食开嘅意大利饭𠮶种creamy嘅口感之外，仲有酸酸地嘅冬荫功味道，好特别，只虾都好食。甜品就拣紫薯香芋班戟配云呢拿雪糕同埋泰式奶茶意大利芝士饼。班戟虽然唔系梳乎厘𠮶种咁软绵绵，但就好够份量，再配搭云呢拿雪糕同个紫薯cream真系甜而不腻。泰式奶茶意大利芝士饼就真系好够奶茶味，比一般Tiramisu更加甜，钟意甜甜嘅奶茶香就应该啱哂。